Seleccion di Equitacion den training pa Mundial "Felix Santiago Oliver"

ORANJESTAD (AAN):  Diasabra atardi e selecion di Equitacion di Aruba tabata tin un training den grupo pa prepara pa e proximo Mundial di Equitacion cual lo tuma lugar na Humacao, Puerto Rico.

E training aki tabata un bon oportunidad caminda e selecion a train den e mesun 30 minuut cu nan lo tin disponibel pa train riba nan cabay na Puerto Rico durante 3 dia. Tambe a probecha pa hasi un "dress rehearsal" caminda a train den nan uniform di competencia.

            Despues di e training den conhunto a tene un reunion entre e mayornan di e participantenan cu lo ta biahando pa Puerto Rico pa repasa ultimo detayenan, y na mes momento a hasi e entrega di e uniform oficial di training pa e participantenan.

            E participantenan lo ta biahando pa Puerto Rico cuminsando juli 10, y e competencianan lo tuma lugar juli 18-21.