Seleccion di Aruba den training pa Competencia Mundial

Deporte di Paso Fino

ORANJESTAD (AAN): Organizacion Caballista Arubano (OCA), tin su seleccion di Jinete & Amazona ta den training intensivo pa representa Aruba den e proximo Mundial "Felix Santiago Oliver" cual lo tuma lugar na Puerto Rico di 18 pa 21 di Juli.

   Un total di 6 participante lo forma parti di e equipo cu lo representa Aruba cual ta Mia-Rose Tromp, Zachary Coffie, Courtney Irausquin, Carolina de Cuba, Genesis Pietersz y Lea Vink.

   E paisnan participante ta entre otro Canada, Colombia, Corsou, Republica Dominicana, Merca, Panama, Ecuador, Venezuela, y Puerto Rico.

   Lo tin un participacion di mas cu 250 Jinete y Amazona di edad di 4 aña te cu mayor di 25 anja. Den e disciplina di equitacion di cabaynan di Paso, e Mundial ta e evento di nivel mas halto cu por yega pa participa.

   E team ta bou di guia di Harold Zuleta ken lo acompanja nan na Puerto Rico y tambe a ricibi guia di Gino Werleman na Aruba