Seleccion di Aruba a saca cara contra Jamaica

Competencia di CFU U14 na Punta Cana

ORANJESTAD (AAN): Seleccion di Aruba a demostra un biaha mas cu e futbol ta den un nivel hopi halto. Contra Jamaica, un di e seleccion mas fuerte y un di e favoritonan den CFU pa hopi aña, Aruba a hunga un partido di enorme calidad, caracter y determinacion.

   Apesar di e resultado final di 1-0 pa Jamaica, e muchanan di Aruba a saca cara pa nos bandera. E partido tabata intenso.

   Perde 1-0 contra un rival di e nivel di Jamaica- ta un señal di crecemento, calidad y futuro.

   E seleccion a keda hunto como un  equipo uni y fuerte y a duna tur cos riba veld. Aruba por ta orguyoso di e entrega, e disciplina y e spiritu di lucha cu e team aki a demostra.

   Na Punta Cana, e apoyo pa Aruba tabata extraordinario. Varios mayor a haci nan presencia sinti, y Aruba tabata entre e equipo cu mas apoyo presente. E bandera, y e energia di pueblo a duna e seleccion un impulso especial.

   Calidad di futbol na Aruba ta creciendo formal. Aruba a sa di construi un seleccion cu por para cara a cara contra e mihornan den Caribe.