Ryan, Angelo y Stefanie a dal un buelta rond Aruba den nan kayak

ORANJESTAD (AAN)- Diadomingo ultimo Ryan de Jong, Angelo Kock y Stefanie Nina Ekert a tene un tremendo hazaña caminda nan a dal un buelta rond di Aruba den nan kayak.

E trio a Sali for di Savaneta pa 5.30 di mainta den nan kayak y a reta nan mes cu nan mester yega bek prome cu solo baha. Y esey nan a logra tambe pasobra segun nan mes ta conta cu e lama y tempo a comporta tremendamente cu nan caminda naturaleza no a duna nan ningun contratiempo.

Pa hopi tempo caba segun Ryan e tabata tin gana di haci un rondje Aruba y a bin topa cu Arubianonan cu tambe tin gana di hacie, y ora cu Angelo kende a caba di  yega di Bonaire un paar di dia pasa a bise cu e tempo ta mustra hopi bon pa nan bay hacie y nan a dicidi di bay pa nan hazaña di biaha.

E hazaña tabata di 71.71 km caminda nan a mira Aruba di un otro angulo. Nan meta di e hazaña aki ta pa inspira otronan y pa uze positivamente y pa uza tur seguridad necesario. No hacie pa loco ya cu Lama na Aruba no ta un wega. Y sigur nan ta gradici tur cu a encurasha nan y apoya nan den e hazaña aki y caminda nan a haya e dia perfecto pa nan dal nan ronchi rond Aruba den 14 ora.