Refereenan di Muay Thai na Aruba a haya tremendo seminario di referee internacional Patricio

ORANJESTAD (AAN):  Recientemente riba invitacion di  Muay Thai Kickboxing Aruba,

referee internacional Patricio di Ecuador a bin duna un seminario na e refereenan di Muay Thai  di Aruba y el a keda hopi contento cu e nivel di e refereenan di nos isla, kendenan a haya un bon oportunidad pa  refresca y repasa tur regla bek y asina mantene nan mes riba un nivel.

Esaki ta parti di desaroyo y crecemento di e deporte aki cu a wordo reconoci pa  Comite Olimpico Internacional.

“Mi kier a gradici Muay Thai Kickboxing Aruba pa e invitacion y a confianza pa mi bin duna e seminario”.

Mi kier a gradici vice presidente Rygell Boye y presidente Ruthmila Gonzalez pa esaki, segun Patricio.

El a indica cu tabata un placer tambe pa traha hunto cu referee internacional di Aruba Devon Hoge y cu e ta spera cu den futuro e por sigui traha cu Aruba.

“Mi kier a duna un danki tambe na e legendario ex presidente di Muay Thai Kickboxing Aruba, Shinan Master  Roony Boye, cu cual mi tabata tin e placer di traha”.

Tambe mi kier a gradici minister di Deporte Endy Croes, segun Patricio.