Nuebe team ta batayando fuerte den competencia di Domino te na November venidero

Endy Faro, Presidente di Aruba Domino Bond

ORANJESTAD (AAN) –Endy Faro, Presidente di Aruba Domino Bond, den entrevista cu DIARIO tabata presente durante e apertura di e Campeonato di Balashi Domino 2024. Faro a splica cu e aña aki ta participando cu 9 ekipo, dunando asina bon bini na “Royal Domino Team” cu ta completa e nuebe ekiponan.

            Nan ta batayando tur fin di siman, Diabierna y Diadomingo na e diferente sedenan. E Campeonato lo caba na November venidero, pues ta ocho luna largo di bataya cuminzando na April ultimo. 35 hungador di cada ekipo (300 participante) ta compitiendo fuertemente den nan deporte stima Domino.

            El a duna di conoce tambe cu e Campeonato Mundial di Domino lo tuma lugar na Aruba, y ya pa 12 aña consecutivo ADB ta participando den e Campeonato Mundial rond mundo.

            E aña aki pa perseverancia di e directiva a logra di a logra di trece e di 20 Campeonato Mundial na Aruba, organiza pa e Federacion Internacional di Domino (FIT). Nan  lo trece Aruba entre 400 pa 550 atleta pa bataya den e mundo di domino.