Motorcycle di Anthony Martinez ta bek riba caya

Recien Speedworld a tuma nota cu Anthony Martinez a caba di pone un motorcycle bek riba caya. 

El a bisa cu e bike aki a haya full un chassis nobo, y e ta algo cu el a haye obliga na haci.

   El a splica cu tur cos a cuminza algun luna pasa, ora el a haya problema cu chassis.  El a splica cu e brommer aki el a hasta viaha na 2020 pa Merca cune (New Jersey) y tambe pa Canada, unda nan a core hopi caminda y condado cu e grupo “Nos Cu Nos” di Aruba.

   Pero den e corementonan ey, e camindanan ta haya capa di salo riba nan pa reduci ocurencianan di ijs y sneeuw.

   Y e salo aki riba caminda, combina cu diferente factor mas, a acelera daño na e chassis di e motorcycle, sin cu e tabata na altura mes!

   Su motorcycle ta pasa den ‘spot control’ como dos biaha pa aña, esta cu e ta hise riba jack halto pa asina wak bao di dje.

   Asina a bin topa cu sorpresa di corosion na diferente area di e chassis, y cu merece di wordo drecha mesora.

   El a cuminza prepara pa haci trabao di drecha e problema, y tres luna despues ora di a bay pa fix e problema, a bin realiza cu e chassis aki a frustia completamente y a empeora.

   El a bay pasa un screwdriver pa asina purba bula y kita e frusto, y esaki a djis pasa door en door.  Esey a demostra cu ta un chassis nobo tin di busca pa e bike.

  Asina a start e proceso pa torno e Bike di otro, y a haya hopi asistencia di Alexander Trimon cu a ricibi e chassis bieu.  Mientras cu a cuminza check si por haya un chassis na Merca.

   Diripiente ta haya yamada di Alexander Trimon cu a bise pa bin busca e chassis bieu.  Ora el a yega el a bin descubri cu e chassis a wordo completamente drecha, y laga bek manera nobo, cu un trabao profesional.

   Andy a keda agradecido cu e chassis renoba, y a cuminza arma tur cos bek den otro.  Y na caminda a haci cambionan chikito, y prome cu 1 aña di trabao el a logra start e motor bek.

   Andy a mustra cu e tin hopi hende pa gradici pa yuda pone e Brommer bek den su forma, y awor a bira hasta un custom-bike.  Hendenan tabata yude te den oranan laat di madruga.

   Hopi adaptacion a wordo haci, y ainda e no ta cla.  Falta algun adaptacion mas pa asina e bira aun un mihor custom-bike.

   E ta trahando tambe riba un proyecto di Nelson Perez, y e lo bira un Bike similar.  Pronto Aruba lo mira algun Bike masha bunita mes, cu wielnan di 20” te cu 23”, pues algun monster!