Ministro Gerlien Croes presente na evento special di bon bini na delegacion di FIFA  

ORANJESTAD (AAN): Diadomingo anochi, Ministro Gerlien Croes tabata presente na e evento di ‘Welcome’ cu a ser organiza pa ricibi e delegacion di Federacion FIFA cu a yega Aruba.

   E bishita di e delegacion di FIFA ta relaciona cu preparacion pa e gran reconocimento cu Aruba lo ricibi relaciona cu e asina yama ‘FIFA Talent Academy’.

   Un momento di union, emocion, y orguyo pa Aruba, mientras cu asina e isla ta cla pa celebra un paso historico pa Futbol local.

   President di Arubaanse Voetbal Bond, Randolf Lacle tabata presente, hunto cu tur miembro di directiva, y tambe diferente stakeholder local.