Ministro a felicita tur coredo cu a destaca durante 2023

Na evento di ‘End of Year Award 2023’

ORANJESTAD (AAN): Den fin di siman cu a pasa, Minister di Deporte Endy Croes a acudi na e di 6 edicion di End of Year Award 2023 organiza pa Aruba Runners Foundation.

   E evento deportivo aki a tuma luga Balashi Beer Garden, unda cu a otorga premio na tur e coredonan cu a destaca e aña aki. Durante e celebracion aki,

Minister Endy Croes a duna un discurso felicitando tur mucha y hoben atleta y a haci entrega di medaya.

   Ademas di esaki, a otorga premio na e adulto-, grupo- y instancianan cu a sobresali e aña aki.

   Minister Endy Croes ta felicita Sr. Rammy Ramada y ful e team di Aruba Runners Foundation cu e tremendo evento aki, alavez ta felicita tur e coredonan cu ta eherce e deporte aki cu hopi deseo, disciplina, dedicacion y determinacion.