Joshua Klaber di Aruba a participa den Canada Open

Competencia di Taekwondo

ORANJESTAD (AAN): Siman pasa Diahuebs a tuma lugar na Calgary (Alberta) na Canada, e evento titula ‘2026 Canada Open’.

   E evento a tuma lugar na e centro di WinSport na Calgary, y na e evento grandi aki cu tinte internacional, tabat tin participacion di atletanan for di Asia, Europa, Sur America, Central America, Caribe, Merca y Canada.  

   Joshua Klaber di Aruba a participa den Canada Open, y den competencianan a topa cu Erik Perez for di Merca y a gana esaki.

   Joshua Klaber a bay despues contra di Omar Salim for di Hungaria y a perde contra di Omar Salim cu a sali campeon di Canada Open na final.

   DIARIO a compronde cu Joshua Klaber ta sigui cu su preparacion di training bou guia di su Coachnan pa otro eventonan den Pipeline.