Hopi animo y dedicacion pa Triathlon di Diadomingo mainta

ORANJESTAD (AAN): Diadomingo mainta a tuma lugar e evento di “Battle of the Relay”. 

E tabata un Relay Triathlon na Mangel Halto organiza pa Aruba Triathlon Association.  Nan a landa, core bicicleta, y core na pia.

   E evento aki no tabata uno di careda individual, ni tampoco di duo race.  Ta tres atleta batayando. Tabatin dos categoria cu a competi.

   E categoria di Super Sprint nan mester a landa 375 meter, core 8,5 km di bicicleta, y core na pia como 2,4 kilometer.

   E categoria di Sprint, nan mester a landa 750 meter, core 25,4 km di bicicleta, y 4,8 km core na pia.

   Den siman DIARIO lo bin cu e resultadonan di e fabuloso evento di Battle of the Relay.