Exitoso Torneo di Volleyball pa hobennan te cu 13 aña

ORANJESTAD (AAN): Den cuadra di e competencia ASU Olimpiada, Aruba Volleyball Association a

organiza un Torneo di Volleyball pa un grupo di hoben entre 8 y 13 aña cu a practica cu hopi entusiasmo e deporte di volleyball.

   Nan a adapta e canchanan y tambe e reglanan pa facilita e hobennan pa tur por a disfruta di e torneo aki.

   Na final e Teamnan di Phoenix a sali na prome lugar y e di dos lugar y tres lugar a bay pa e Team di Positivo y 4 lugar pa e Team di CBN.

   Un danki na e mayornan cu a trece nan yiunan y cu tambe a keda wak e weganan. Na final tur atleta a ricibi un medaya di parti Aruba Sport Unie kende a worde representa pa miembro di directiva di ASU señora Melissa Noguera.

  Un palabra di gradicimento pa tur trainers y coaches, boluntarionan y Sponsors cu a haci e evento uno exitoso pa e muchanan.