E di 30 edicion di Ronde van Aruba ta cla pa cuminsa

ORANJESTAD (AAN):  Riba anochi di 20 di Mei 2022 e di 30 edicion di Ronde van Aruba ta bay cuminsa. E evento di careda, organisa pa Kazèrne di Marina Savaneta, ya ta existi desde 1971.

Dos marinier un tempo pasa a reta nan mes pa core ‘solo’ rond di e isla. Desde e momento ey e idea aki a crece bira un evento cu anualmente ta ripiti. 

E distancia ta 72 kilometer di largura, locual pa gran parti ta sigui a lo largo di costa di e isla y ta un di e caredanan di mas pisa y largo den Region Caribe.  Gobernador di Aruba, Alfonso Boekhoudt, a duna e disparo pa salida.

E aña aki ta spera cu lo presenta alrededor di 800 participante na e punto di salida.  Por core e ruta di 72 kilometer individual, como duo of c'un team di careda di relevo. E aña aki un cantidad record di participante  a inscribi pa core e buelta individualmente. En total tin den esaki 20 hende homber y hende muher. E otro participantenan y teamnan ta cuminsa entre 20.00 y 00.00 or riba diabierna anochi. Cada minuut un team of duo nobo lo start.

Durante e periodo di Corona, Ronde van Aruba a continua den un forma adapta. E aña aki a scoge pa bolbe bek stap pa stap manera mayoria hende conoc'e. Publico manera ta custumbra ta mas cu bon bini a lo largo di e ruta pa encurasha y aplaudi e coredornan. Ademas di esey na cada un di e postnan di cambio lo por tende musica pa publico y participante.