Dianan 20 y 21 di Augustus lo tin Aruba International Regatta

ORANJESTAD (AAN): Aruba su pareha di bida mas importante ta e lama rond du nos. Puntra bo mes:

Cua tabata e ultimo biaha cu bo a bay lama? Pa landa? Snorkel? Sailing?

   Bishitantenan ta paga hopi placa pa bini Aruba y landa cu e tortuganan, mientras cu mayoria di nos ta neglisha nan existencia. E evento venidero di Aruba International Regatta kier recorda nos cu e Blue Highway ta habri y obtenibel no solamente pa negoshi pero tambe pa diversion.

   E regatta ta inspira nos pa bay lama y disfruta di un actividad liber, fisicamente y emocionalmente, empodera pa e biento. Pensa riba e relacion feliz aki entre lama y biento, semper presente, brasando tur banda di Aruba. Un forsa eterno cu e poder di eleva nos spirito y laga nos bula riba tur cos, literalmente.

   Nos tin cu pensa mas riba lama, e ta e base di nos bida y socio di nos turismo. No solamente un reserva di cuminda pero tambe medicina pa e alma.

   E ta consola y calma nos, refresca y inspira nos. Pues pa es motibo e merece proteccion. Nos tin cu analisa nos maneranan di biba ora di considera lama, con nos ta uza y abusa di dje, hunto cu e impacto cu esaki tin ariba nos isla. E mester ta un forma di duna y haya back. Kico lo sosode si nos haci nada pa proteha y conserva nos lama?

   Pa ARF, Aruba Regatta Foundation, e competencianan di boto ta djis un excusa pa nos sali for di cas y nos oficinanan y bisti flipflops cu zwembroek. E competencianan ta planea pa Diasabra 20 di Augustus y Diadomingo 21 di Augustus 2022, den diferente categoria. Dos tremendo dia di sailing y diversion na Surfside Aruba. E competencia su base lo ta rond di e beach bar popular. E Regatta lo yama bon bini na sailors regional for di Aruba, Curacao y Bonaire despues di un pausa di dos aña.

  Por spera participacion di: Mini sailboats, Beachcats, Optimists, Kites, IQ-Foils, Windsurfers, Sunfishes, Lasers & Yachts, tur lo competi net dilanti di Oranjestad waterfront den loke ta promete di a un spectaculo hopi bunita.

  Eric Mijts tabata chief organizer di Aruba International Regatta pa 11 aña. E aña aki e eveno lo worde maneha pa Rik van der Vaart y Anthony Hagedoorn. Rik, cu su mesun compania studio-advisory.com hunto cu su casa Pamela, semper tabata envolvi cu e Regatta.

  Fuera di patrosina e Regatta, nan ta mantene su intencion di mas grandi cual ta sostenibilidad.

  Eric a baha for di posicion di presidente, Rik awo lo maneha mayoria di e strategia di e organizacion. ARF ta hopi agradecido pa su apoyo significante y continuo.