Devon Hodge di Aruba a logra bira un Referee Profesional na nivel di World Muay Thai Federation

Bunita logro sigur!

ORANJESTAD (AAN): Un bon noticia pa Aruba!  E organisacion mundial di World Muay Thai Federation tin un Arubiano awor como un Referee profesional den nan staf.

   Ta trata aki di Devon Hodge, kende a pasa su test di referee profesional  Devon Hodge tabata un atleta di e deporte di Muay Thai pa hopi aña y a bringa peleanan tanto local y internacional.  Dspues cu e no por a keda constant como un atleta mas, debi di su tempo pa asina sali pa su famia door di bay traha pero semper cu pasion pa cu e deporte.  El a acerca e Bond di Muay Thai Aruba como un miembro pa basta aña como atleta y puntra si e por yuda e bond como un referee y asina e por keda y yuda nos bon cu hende cu expriencia den e deporte di Muay Thai.

   Asina el a cuminsa cu esaki y pa despues bira un referee internacional y sigui cu su carera di referee.  Demostrando un pasion inmenso pa esaki, Bond a puntre si e ta interesa pa sigui como un referee riba un nivel mas halto asina por yuda mas den Caribe y un otro lugarnan cerca, y el a acepta e reto.  Asina mes el a bay pa prome biaha un Mundial di Muay Thai organiza pa W.M.F cu ta e federacion  Mundial di Muay Thai na Thailandia.  Aki el a subi ring y a pasa su prome test y a pasa esaki como un referee internacional reconoci, y asina  tambe por a fungi como referee den e mundial ya e tempo ey y a eherce un tremendo trabao.

   Despues a worde invita un biaha mas door di e federacion mundial via e bond di Aruba puntra si e por bin asina e por fungi como referee na un otro mundial y eynan asina el a pasa su nivel di B-Class Referee caminda nan a keda hopi contento cune y dune su respet como tal.

   Devon a sigui den contacto cu e Federacion asina e keda haya su informacionnan cu ta importante y awor a pasa su nivel di profesional na e parti teoretico y tambe den practica na e mundial na Thailandia.  A ser splica cu el a cumpli cu 86 ora pa esaki.  Segun Devon, esey no tabata facil pero ora bo kier logra algo bo ta bay pe hopi ora sin drumi pero asina ta ora bo tin un mundial di 500 atleta den 80 pais pa atende ta peleanan tras otro pa dia, di merdia te cu anochi laat y parti mainta den klas asina prepara  pa sigui anochi te laat.

   El a describi esaki como un experiencia grandi mes, cu a impulse pa asina awe e ta carga e titulo di un Referee profesional den un federacion mundial cu ta origen di e deporte di unda el a nace orginalmente.

   Bond di MuayThai di Aruba dirigi pa presidente nobo Ruthmila Gonzalez y staf y refereenan kier dune pabien cu e logro grandi aki y ta bisa e ta spera cu lo tin mas cu e ehempel aki pasobra nada mas bunita cu di atleta bo sigui yuda e deporte aki como referee door di bo exprencia como atleta  y palabra di Devon ta esaki cu e ta spera cu e grupo cu e ta maneha aki na Aruba tambe motiva nan mes y haci esaki y biba un experiencia grandi manera esaki comparti cultura cu otro paisnan y cu esnan mes cu e Thailandes nan mes.

   Sigur ta vale la pena pa ta den e grupo aki despues di a selecta un paar so pa haci diferente  examen y categoria caminda cu 4 so a pasa e nivel di pro, e ta un di nan y awe orguyoso di ta un representante di Aruba den tur e pais grandinan y a mustra cu nos tin calidad pasobra pa con chikito cu nos ta semper a musta esaki unda cu nos a bay sigur den e ultimo añanan aki.

   Devon tambe ta manda un palabra di danki na e bond di Muay Thai Aruba cu a dune e confianza pa asina duna su nomber pa prome biaha.

   “Mi por a sigui cu awe mi ta unda mi ta como referee y mi kier bisa cu awor trabao nan lo cuminsa pa asina subi nos nivel mas den e deporte di Muay Thai nos atletanan arubiano tin hopi pa mustra y tin e calidad pa yega y mi ta spera cu nos traha duro y pone mas seriedad pa loke bo kier cu e deporte aki asina mantene nos Muay Thai na halto,” Hodge a indica.

   “Otro cos mi kier comenta cu si bo kier bira algo den bo bida bay pe pero haci esaki legal y manera tur cos si ta den un klas y musta cu bo por y asina bo logra bira un oficial den cua deporte cu bo kier ta pero oficial y pa un federacion mundial mihor ainda mi ta keda cu esaki un palabra di danki na e bond di Muay Thai Aruba M.T.K.A  cu ta e unico bond oficial  di muay thai na Aruba reconoci pa federacion mundial tanto IFMA como W.M.F.

   Aki nos por mira Devon despues di a logra su licencia y sinta cu e  grupo oficial di referee mundial y mas.  Pabien Devon Hodge, un atleta y referee cu ta orguyoso di ta un Arubiano.