Conocido driver di dragrace Mohammed Ali a fayece

ORANJESTAD (AAN): Riba Diaranson, DIARIO Deportivo a ricibi informe di Emanuel “Broer” Blomont,

kende a informa cu e conocido coredor di vehiculo di dragrace cu moto rotary, esta Mohammed Ali descendiente di Trinidad & Tobago, kende a uni na añanan 1980 cu Alvaro Cordero cu e famoso “Trinidad Connection” a fayece.

   Riba e potretnan aki por corda e auto Rotary Austin cu tabata pertenece na Trinidad Connection di Alvaro Cordero y Mohammed Ali.  Aki e icono Hary Hu-A-Ng tras di stuur, a competi cu Luis De Quintal cu su Rotary Datsun di team ‘Heads Up’.

   Por corda cu e auto di careda di Trinidad Connection a bira mas famoso den e accidente cu a socede un Diadomingo atardi na e pista di Koraal Tabak na Curaçao, cu e legendario Bill van der Meulen na stuur.

   DIARIO ta extende palabra di condolencia na famianan, y cu Paz lo ser duna na Alma di Mohammed Ali.