Comite Olimpico Arubano ta yama bonbini na colega nobo Talhia Higgins

Un apoyo profesional pa procesonan administrativo-financiero

ORANJESTAD (AAN):  Comite Olimpico Arubano ta conta cu un hoben profesional mas, den nomber di Talhia Higgins. Talhia ta un Junior Accountant cu hopi experiencia den e area di administracion-financiero y contabilidad cu ta cla pa un reto nobo na COA.

            Talhia lo ta encarga cu tareanan no solamente den e area di administracion y finansas local, si no tambe cu e parti di e programanan internacional cu COA ta maneha di Solidaridad Olimpico y PanamSports.

            COA ta contento di tin un hoben profesional cu e experticio aki na disposicion pa traha pa e bienestar di deporte na Aruba.