Aportando pa deporte local sigui crece…
ORANJESTAD (AAN): Organisa pa medio di Tri-Bike Team Aruba y su grupo balente di boluntarionan y demas sponsors, un biaha mas Caribbean Mercantile Bank N.V. (CMB) ta patrocinador principal di e serie di careda cu a tuma lugar durante weekend cu pasa durante 3 dia consecutivo riba mountain bike.
Mas o menos 150 hende muhe y hende homber, incluyendo mucha desde 6 aña, te adultonan
yegando 70 aña, como tambe coredornan di Boneiro, Corsou y Merca a registra pa
participa pa evento aki cu e inicia diabierna anochi den biento friu cu un circuito cortico estilo
“sprint” riba veld di S.V. Estrella na Santa Cruz, sigui pa diasabra atardi den seronan di nos Parke
Nacional Arikok cu un circuito largo, y culminando diadomingo mainta den un circuito cortico pero
cu su retonan fiho den cercania di ruinanan di Bushiribana.
Un evento cu sigur ta duro pa sigui, pero cu suficiente entrenamento y dedicacion ta
completamente manehabel, caminda por disfruta di varacion di tereno, tecnica, y manera semper
naturalesa liber y bunita cu nos mester proteha na Aruba.
Un gran pabien ta bay na e ekipo organisador pa un evento bon hinca den otro, como tambe na
tur cu a participa especialmente e sernan femenino cu sa di registra y enfrenta e reto e fin di
siman cu pasa, logrando premionan den nan categoria distintivo.
https://diario.aw/ar/categories/noticia/deporte/cmb-patrocinador-principal-di-e-3-daagse-mountain-bike-race#sigProIdbe7516ae14
