CEA a duna alumnonan di Mon Plaisir School training den defensa propio

ORANJESTAD(AAN): Nunca ta demasiado trempan pa un persona haya les den defensa propio, pasobra bo no sa nunca ki ora bo ta bay tin mester di dje.

E tipo di training aki tambe ta bon no solamente pa fitness di bo curpa, sino tambe pa disciplina y pa bo estado mental.

Pesey tabata algo di aprecia cu recientemente Cuerpo Especial Arubano C.E.A a tuma nan tempo pa duna un training di defensa propio na e alumnonan di Mon Plaisir School.

E empleado di C.E.A encarga cu e training tabata Roony Boye, kende a gradici tambe director di C.E.A Ronnie Geerman pa permiti pa e por a duna e training na e mas cu 300 mucha, kendenan sigur a sa di aprecia locual cu nan a siña.