Campeonato Nacional di Volleyball ta cla pa cuminsa

Aruba Volleyball Association

ORANJESTAD (AAN): Aña a caba di cuminsa y volleyball di Aruba no ta para keto. Diaranson dia 7 dia januari lo tin diferente wega na Centro Deportivo Betico Croes, cu lo cuminsa pa 6:30 di atardi.

Riba e anochi aki e team di Hitters Volleyball Team di Damas A klas lo ta enfrentando e ekipo di Fast Breakers. Sigur esaki lo bira un wega hopi interesante pa motivo cu Hitters tin un 'appeltje te schillen' cu Fast Breakers pa e wega cu a tuma lugar durante di Copa AVA na 2025.

Diabierna dia 9 di januari e ekipo di Hitters Volleyball team lo ta enfrentando e ekipo di Fastt Breakers I den e categoria di U-15. Sigur ultimo simannan aki apesar di dianan di fiesta e ekipo di Hitters cu hopi determinacion a sa di sigui train pa asina habri un 2026 fuerte. Ta invita tur amante di volleyball pa bin na Santa Cruz pa apoya nos atletanan en general.