Bon actuacion di Jeremy Dijkhoff den e Junior Pan-American Weightlifting Championships na Manizales

ORANJESTAD (AAN)- Di 9 pa 16 juli 2021 a tuma lugar e campeonato Junior Pan American Weightlifting Championships ne ciudad di Manizales, Colombia.

E evento aki ta clasificatorio pa e Weganan Panamericano Juvenil cu lo tuma lugar e aña aki na Cali, Colombia. 

Pa Aruba a biaha e atleta Jeremy Dijkhoff cu ta hisa den categoria di 96kg y como entrenador Walter Llerena. Por bisa esaki ta bira e prome competencia internacional di e atleta Jeremy pa e aña aki. Jeremy cu a sigui cu su training nan durante di e pandemia a bay bon prepara.

Den categoria di Jeremy tabata tin 13 atleta fuerte di e Continente Panamericano  den e competencia Jeremy ta logra den su hisadanan den snatch ta hisa 110kg, clean & jerk 135kg pa un total di 245kg cu e total aki Jeremy ta kibra su propio record di Aruba cu un progreso di 35kg total den categoria di juvenil Sub-17.

Cu e resultado aki Jeremy ta termina na di 12 lugar. Ganador den e categoria di 96kg a resulta  medaya di Oro a bay pa Colombia, Medaya di Plata pa Ecuador y Brons pa Mexico.