Atletanan di Aruba ta bay ta e prome pa bringa cu 'headgear' electronico Generation 3

Jin Song ta bay ta na Aruba pa mundo henter por mira via livestream  e 'headgear' di e ultimo generacion den Best of the Best Truescore 2023 Aruba

ORANJESTAD (AAN):  Jin Song e inventor di e sistema electronico Truescore ta bay bin for di San Jose California, specialmente pa uza e headgear electronico di Generation 3 na Aruba pa prome  biaha den Best of the Best Truescore 2023 Aruba.

            Jin Song a lansa e 'head gear' electronico pa prome biaha na mundo den Best of the Best  na aña 2010. Ex campeon Mundial y Coach Olimpico Master Henk Meijer a biaha for di  Hulanda pa ta testigo di e sistema electronico. 

            For di aña 2010 Aruba tabata den noticia mundialmente pa e sistema electronico cu a wordo lansa na Aruba den Best of the Best pa prome biaha.

            E aña aki Jin Song ta bay ta na Aruba pa mundo henter por mira via livestream  e 'headgear' di e ultimo generacion den Best of the Best Truescore 2023 Aruba. Aruba su atletanan ta bay ta e prome atletanan pa bringa cu e headgear electronico Generation 3.