Atco Indians a bay dilanti 2-0 den serie di playoffs contra Scorpions

ORANJESTAD(AAN): Den fin di siman e playoffs di Double-A a cuminza, unda cu prome lugar Atco Indians a enfrenta di 4 lugar Scorpions, mientras cu di dos lugar Red Machine a topa cu di 3 lugar Braves.

Diasabra Indians a logra gana Scorpions 11-1.

Te cu di 7 inning e wega tabata preta na un score di 1-1, pero despues di un error na dado momento Atco a cuminza un rally decisivo pa gana e wega facilmente.

Pitcher ganador tabata Gerald Tromp, mientras cu pitcher perdedor a resulta di ta Michellangelo Jack.

Mihor bateadornan pa Scorpions tabata Wilfred Ras 3-1, Joshua Barendregt 3-1 y Albert Pop 3-1.

Pa Indians e mihor bateadornan tabata Joshua Ramada 3-3, Marc Danies 2-2(1 homerun), Jason Orman 3-2 y Chee Fai Tromp 4-2.

Diadomingo Indians un biaha mas a gana Scorpions, e biaha aki cu e score di 7-1, pa asina tuma un ventaha di 2-0 den e best of 5 series.