Aruba Karate Bond a tene su ‘Summer 2021’

ORANJESTAD(AAN): Recientemente Aruba Karate Bond a tene un evento grandi yama ‘Summer 2021’ y den un entrevista sensei Felix Tromp, presidente di Aruba Karate Bond,

a trece dilanti cu recientemente e miembronan di e bond a participa na Corsow na un competencia den cual Corsow y Bonaire tambe a participa.

Akinan atletanan di Aruba a haci un bon papel, unda cu entre otro Tabitha Velasquez a gana oro den Kata oro, mientras cu Alejandro Gonzalez a oro den Kata y Kumite (bringamento).

“Prome cu nos a bay Corsow caba nos tabata tin plannan pa haci algo pa nos muchanan pa cuminza motiva nan bek, mirando cu tabata tin 1 aña durante di cual nos no por a haci mucho evento”, segun Tromp.

El a splica cu un grupo di alrededor di 60 mucha a participa na e Summer 2021 y cu e intencion ta pa den futuro haci e evento mas grandi ainda.

Tromp a  indica cu tin un scarcedad na instructor y pesey ta pidi e tur adulto cu por yuda pa haci esaki.

Tin un plan tambe pa trece e Karate mas den famia, pues trece mayornan tambe na e entrenamento.

Mayornan por ehempel lo por participa cu nan yiunan den Kata.