Aruba Chess Challenge tabata exitoso

ORANJESTAD (AAN): Recientemente Aruba Chess Challenge a yega su final.

Tabata un torneo di schaken cu participacion di 7 pais aki na Aruba, esta Peru, Ecuador, Suriname, Bahamas, Corsow Boneiro y Aruba.

Segun presidente di Federacion di Ahedrez di Aruba, Jose Pesqueira, e resultado final pa loke ta e categoria ‘Open’ ta cu Peru a caba na prome lugar, mientras cu Pesqueira mes a keda empata cu un señora di Ecuador pa di dos lugar.

Pa loke ta e categoria di U-18, Sebastian Vergara di Aruba a sali campeon, mientras cu den U-12 Boneiro a Sali campeon.

Apesar di e hecho cu luna pasa a tuma lugar e Olimpiada di Schaken y diferente pais no a participa na e torneo na Aruba, organizacion di e evento a keda hopi satisfecho cu e cantidad di participante y calidad di e torneo.

En total tabata tin 76 participante pa e di 16 edicion di Aruba Chess Challenge.