Aruba a debuta den bunita apertura di e World Soccer Foundation na Miami

ORANJESTAD (AAN): Cu yudansa y sosten di pueblo, participando na diferente evento pa recauda fondo,

finalmente e team di Aruba a logra yega Miami pa participa den e torneo di Miami Cup 2024.

   Cu nos bunita Himno di Aruba y orguyoso di nos bandera, e delegacion di Aruba, ASA Elite Sub-12 a debuta diadomingo mainta pa apertura official di e Miami Cup 2024 na Tropical Park Soccer Fields na Miami, Florida.

   Aruba ta participando den e torneo internacional hunto cu 13 pais.

  Aruba Soccer Academy, ASA ta representa nos pais cu 17 futbolista hoben y lo tin schedule fuerte e siman aki, segun DIARIO a compronde.

   E delegacion di Aruba ta conta cu 45 persona entre otro hungador, coachnan, asistente, y mayornan.

   DIARIO ta desea ASA Elite Aruba tur clase di exito na e Miami Soccer Cup 2024. Y sigui cu e bon trabou pa nos hoben nan den e deporte bunita di futbol.