Apoyo masal durante competencia di Gimnasia Artistico na Aruba

ORANJESTAD (AAN): E tabata dos dia largo di competencia, ora Federacion Gymnastico Arubano, FGA,

cu tin como meta pa promove e deporte di Gimnasia na Aruba a tene e prome Competencia Nacional di Gimnasia Artistico Femenino den historia di Aruba.

   Esaki a tuma lugar henter dia Diasabra na Centro Deportivo Betico Croes na Santa Cruz.  Diadomingo tabata mitar dia.

   E competencia a conta cu participacion di mas cu 90 atleta di 3 club di Gimnasia Artistica local, e.o. CGA Avanse, tambe Club Perla, y tambe Club Gihae.  A busca huradonan di exterior pa yuda duna puntuacion durante e competencia.

   Na e apertura a nota cu a hiba palabra Ministro di Deporte Endy Croes, y tambe president di Federacion, Milly Bagheri-van Trigt a hiba palabra.  A duna un historia con na 1970, tabata e conocido docente di gymnasia di Colegio Arubano, Armand Hessels cu a cuminza duna les di Gymnasia Artistico.  Di e tempo ey el a cuminza crece, y awor a yega asina leu cu tin di organiza un competencia pa tur 3 organizacion local.  Esnan cu kier cumpra potretnan por bay na:

www.bit.ly/gym_2023

   Pabien na tur esnan cu a participa, dirigentenan, coachnan, boluntarionan, y tambe mayornan cu a duna apoyo sublime.