Ainda tin e oportunidad pa recauda fondo pa “Fundacion Proteccion y Conservacion di Commandeurs Baai

Kayak for Nature tabata uno exitoso

ORANJESTAD (AAN) –  Un danki special ta bay na e 5 personanan Ryan de Jongh di Corsou, Stepfanie “Nine” Ekert di Alemania, Anthony Guillermo di Corsou, Angelo Kock di Aruba y Luis Wever di Aruba cu a crusa diasabra 4 di september cu kayak desde Corsou pa Aruba pa recauda fondo pa Fundacion Commandeursbaai.

            E grupo a sali diasabra mainta trempan mas o menos 5.30 am for di Kaya Kalki Corsou rumbo Serene by the Sea na Savaneta, Aruba unda a drenta bandi 9or di anochi. Un recorido cu a dura 16 ora riba lama y mal tempo a hunga un rol cu nan a yega Aruba na Serene by the Sea Savaneta mas laat cu a premira.

            Cu e logro aki e grupo kier a concientisa nos islanan pa proteha e ecosystems na Aruba y sigur pa sigui conserva Commandeurs Baai. E grupo aki kier a concientisa nos islanan pa proteha e ecosistema na Aruba y sigur pa sigui conserva Commandeurs Baai.

            Ainda tin e oportunidad pa recauda fondo pa “Fundacion Proteccion y Conservacion di Commandeurs Baai”. Ta importante pa remarca cu tur interesado por haci un donacion na Aruba Bank Account# 6018540190.

            Danki na tur cu a apoya nan, prensa cu a keda wardanan, sponsornan, e botonan cu a acompaña nan y tur cu ya caba a haci un donacion!