Parlamentario Xiomara Maduro:
ORANJESTAD (AAN): Awe Diamars 14 di april, Hoge Raad lo duna su veredicto final den e caso Avestruz, un caso cu a shock Aruba profundamente. E caso a yega na su ultimo instancia y tur cos ta mustra cu Huez lo condena e legado di Benny pa semper.
Huez a papia cla: Benny a abusa! Den e sentencia den “hoger beroep,” huez a dicta cla y raspa cu Benny Sevinger: (*) A abusa di su posicion y poder, a actua contra tur regla di bon gobernacion. (*) A beneficia su mes y su amigonan, y a kibra confiansa di pueblo. (*) Gobernacion pa fix su mes.
Huez a dicta cu locual Benny Sevinger a haci no tabata fayonan chikito, sino un
modus operandi di un gobernacion di AVP cu a pone interes personal riba interes di Aruba. Benny a maluza su poder pa fix su mes y su amigonan.
Impacto di abuso ta bay mas leu: E consecuencia di Benny su actonan a preocupa comunidad di Aruba. E confiansa den gobierno a wordo debilita, e sistema publico a wordo cuestiona y e futuro di hopi hende a wordo afecta.
Por ehempel: hopi hende jong a keda sin un tereno pa traha na cas of mester a warda hopi aña pa e investigacion di Benny keda cla pa asina DIP por a traha riba nan peticion.
Husticia a yega na su ultimo capitulo: Awe Diamars e caso di Benny ta yega na su ultimo capitulo. Hoge Raad, cu ta e Huez mas halto den Reino Hulandes, lo duna su veredicto riba e caso Avestruz. Como Minister Benny a abusa di Aruba y awo Benny su dia a yega cu Huez lo condena su legado di abuso di poder.
