ORANJESTAD (AAN): Vocero policial Liliana Rasmijn a confirma, cu durante Parada di Mucha na San Nicolas di Diadomingo 23 di Februari 2025,
tabatin solamente 1 persona kende a keda deteni.
Diadomingo exactamente pa 1:01 pm, Polis conhuntamente cu SMAC a start e Parada di Mucha na San Nicolaas.
Cuerpo Policial a conta cu 209 personal. Entre otro Polis Uniforma, K9 Unit, ME, Flex Team, Recherche, Trafico, Unidad Motorisa, Planologie, Mobile Commando, personal administrativo y tambe personal di CEA.
Pa 4:35’or di atardi e cabez di a parada a yega Joe Laveist Sportspark y pa 5:55’or di atardi e parada a yega su final. Despues e actividad a sigui na Carnaval Village na unda a kima e momito pa 7:30 anochi.
E aña aki conta cu 1 detencion. E detencion tabata pa posecion di arma blanco (sambechi). Compara cu aña 2024 tabata tin 6 detencion.
Cuerpo Policial un biaha mas satisfecho cu e comportacion y aplaudi cada un cu a aporta na nos dushi carnaval di mucha pa e periodo aki. Riba potret por mira Polisnan, y tambe por mira ora cu a kima Momito.
