Dr. Jayburtt Dijkhoff ta splica di con t’asina importante:
ORANJESTAD (AAN) – Dr. Jayburtt Dijkhoff, di Kwaliteitsinstituut, den conferencia di prensa a haci un yamada special pa tur psicologo, pa Diabierna 27 di September aki, atende e presentacion tocante AruBIG, cu aworaki ta un obligacion pa tur profesional den e ramo di salud na Aruba.
Dijkhoff a splica cu si e profesional a yega di registra den pasado of no, of si a studia den region, no tin mucho bista riba ken tur ta registra of ken ta traha como Psicologo ainda, mirando cu AruBIG no a drenta na vigor y no tin un registro oficial.
“P’esey e rueda di prensa aki ta hopi importante, specialmente pa nos por yega na tur psicologo, pa por fabor haci un esfuerzo pa atende e reunion aki y wak kico ta bay ta e cambio pa por sigui traha como Psicologo na Aruba, pasobra e impacto ta basta grandi”, Dijkhoff a relata.
El a pidi e profesionalnan aki pa duna nan informacion via email na “Cette adresse e-mail est protégée contre les robots spammeurs. Vous devez activer le JavaScript pour la visualiser. of tambe por manda esaki na su colega Cette adresse e-mail est protégée contre les robots spammeurs. Vous devez activer le JavaScript pour la visualiser.. E tambe lo por yuda contesta esaki.
“Un bez mas mi ta extende un invitacion na tur psicologo pa atende e evento aki riba Diabierna 27 di September. E lo tuma lugar na Hyatt Place, parti atardi di 1’or pa 5’or. Pero nos ta pidi si, por fabor manda nos un email pa nos por registra bo persona na e evento aki”, Jayburtt Dijkhoff a reitera.
El a agrega cu e articulo 2 di e ley ta bisa cu ta obligatorio pa tur psicologo, specialista den psicologia y cualkier forma di psicologia oficial, tradicional, mester registra pa nan por haya e titulo y pa por atende cliente. “E no ta cuestion cu nos ta haci esaki pa formalidad. E ta obligatorio y tin consecuencia na dje. Tin consecuencia pa AZV, pa Inspectie, y tin consecuencia pa tur cliente si algo bay robes, e persona ey por haya su mes den un situacion un tiki fastioso”, Dr. Jayburtt Dijkhoff a señala.
