ORANJESTAD (AAN): Crisis Team y Departamento di Salud a informa diaranson cu 3 persona a recupera, mientras cu a registra total 5 caso nobo di Covid-19, di cual tur ta residente.
E cantidad total di testnan ehecuta diamars na e diferente localidadnan na Aruba, entre otro laboratorio di hospital, laboratorionan priva y aeropuerto ta 287 test.
'Positivity rate' entre residentenan ta 6%.
Casonan activo ta 21 (19 residente). E cantidad di fayecido relaciona cu Covid-19 ta 107.
Cantidad di personanan vacuna ta 66.342 cu ta representa un promedio di 67% di e poblacion di 18 aña bay ariba.
