ORANJESTAD (AAN): Durante un conferencia di prensa di ATA Diamars mainta, CEO di ATA Ronella Croes a indica cu e turistanan cu ta bishita Aruba,
mescos cu e habitantenan di Aruba, tin hopi pregunta riba suavizacion di medida, specialmente mirando cu mayoria di nan ta full vacuna caba.
“Nan tambe kier mira flexibilizacion di diferente di e medidanan, considerando cu nan ta full vacuna”.
Esaki ta un pregunta cu ta bin dilanti hopi y tin un manehonan cla pa flexibiliza diferente rekisito, entre otro pa esnan cu ta drenta Aruba full vacuna.
Ainda esaki ta bao di tapara y no a wordo lanza ainda, pasobra continuacion di flexibilizacion ta mara tambe na un grado mas halto di vacunacion bao di nos propio comunidad, segun Croes.
El a sigui bisa cu ainda mas nos mester aumenta e grado I vacunacion bao di nos hendenan, prome cu sigui flexibiliza cierto medida.
