Diamars 15 di Maart 2022 hermandad “Pan di San Antonio”
ta cuminza cu e trecena (13 Diamars) na honor di San Antonio di Padua como preparacion pa su fiesta dia 13 di Juni.
Ta recorda cu 41 aña pasa a cuminza na un manera organisa cu e devocion aki. Na Misa Inmaculada Concepcion Sta. Cruz ta cuminza pa 6’or pm cu canto y oracionnan, sigui pa un Santo Sacrificio di Misa pa 7’or di anochi.
Pastoor Jairo Maduro y Pader Jose Navas hunto cu Hermandad “Pan di San Antonio” ta invita t ur debotonan y henter e pueblo pa bay reza pa paz y trankilidad di Aruba y mundo henter. E Santonan ta siña nos un caminda sigur pa alcanza felicidad apesar di turbulencianan di bida. Laga nos sigui e caminda di santidad cu San Antonio ta propone pa nos. Laga nos cana e caminda di amor y yena nos curazon cu anhelo pa busca e Reino cu ta bin.
