Pashentnan di Dr. Ramautar
E contract entre Organo Ehecutivo AZV (OE AZV) y Docter di Cas, Dr. Koemarie Ramautar a termina.
AZV a gradici dokter di cas Koemarie Ramautar pa tur e añanan di servicio medico cu el a brinda na e aseguradonan. Na mes momento nan ta yama bon bini na un Dokter nobo di Cas, esta Docter Ivan Dario Hernandez Camargo.
Dokter Ivan Dario Hernandez Camargo ta e dokter di cas cu awor en adelante lo atende tur pashent na mesun localidad, Savaneta 8-B y number di telefon 584-4280.
Traspaso ta automatico: Aseguradonan mes no tin nodi haci nada, e traspaso ta worde haci automatico. Ta pidi e aseguradonan pa porfabor duna oportunidad na e dokter di cas aki pa yuda bo ora bo tin mester di cuido medico.
Docter Ivan Dario Hernandez Camargo ta un medico Colombiano, kende a studia medicina general na Universidad del Bosque na Bogota, Colombia y despues a haci su specialisacion pa Docter di Cas na mesun universidad.
E tin hopi experiencia como cu el a eherce su profesion na Colombia pa algun aña caba. E ta contento di por traha na Aruba unda su intencion ta pa brinda e miho cuido posibel y pa e siña Papiamento pa asina e por yuda tur pashent den nan propio idioma. Entre tanto, e lo comunica den Spaño y Ingles.
No ta di acuerdo: Solamente den caso cu no ta di acuerdo cu e traspaso automatico aki, e ora por cambia di Docter di cas di propio interes. Tene cuenta cu e ora bo mes mester pidi pa un aprobacion di e docter di cas (firma di docter) cu abo ta desea. E docter di cas mes of su assistente ta manda e formulario pa AZV.
Por wak e cambio den e AZV App ora cu bay na: Menu→ Dunado di cuido → E dunado di cuido di bo persona→ Doctor di cas→ Eynan bo ta wak e doctor di cas nobo.
Tene cuenta cu cambio di Docter di cas ta na luna di maart y september. Lamentablemente casi tur Docter di cas ta yen y pa e motibo aki mes AZV ta recomenda pa duna Dokter Hernandez Camargo un chance di conoce bo persona y duna bo e cuido ora cu bo tin mester di esaki.
Recomendación: AZV ta recomenda tur asegurado pa download e AZV app y asina registra pa bo digi ZorgPas. Bo persona ta bay den Google Play Store of Apple Store pa download door di primi e boton install. Sigui e preguntanan pa registra pa bo digi ZorgPas. Den caso cu bo no ta logra, libremente por comunica cu nos pa haya ayudo via Cette adresse e-mail est protégée contre les robots spammeurs. Vous devez activer le JavaScript pour la visualiser. tambe.
