Conflicto Ukraine lo conduci na creacion di un mundo nobo --- *Un periodo di reto grandi ta spera un mundo di cambio
ORANJESTAD(AAN)—Un periodo di retonan grandi ta spera mundo, cu a pensa originalmente cu dentro di tres aña e lo yega 2025 cu cambionan grandi.
Vehiculo electrico como parti di cambio di clima lo a bira inversion den un periodo pa cual mundo no tabata sa cu e Coronavirus lo a bira un factor decisivo.
Na un forma diferente cu el a spera mundo ta trata na cera e episodio provoca pa e Coronavirus nobo, cu ainda no a pronuncia su ultimo palabra manera e situacion na cantidad di mundo ainda ta revela.
Un mundo na careda pa cambionan cu el a planea, a dicidi cu Omicron ta tras di lomba pero ainda no conoce tur resultado definitivo di Covid-19 cu ta sigui afecta cantidad di hende na mundo, aunke hende ta parce di ta mas capaz pa atende cu e malesa.
Tempo lo mester duna hopi contesta ainda y uno di e contestanan mas importante lo ta, kico e resultado di Omicron lo ta pa curpa di hende.
Ultimo informacionnan ta papia di resultado cu e por tin pa cerebro cu actualmente mester pensa riba e tipo di energia cu mundo lo bay uza si mundo bandona petroleo, cu ta afecta e clima.
Actualmente no ta cambio di clima so ta pone hende den mas apuro pa bira menos dependiente di petroleo debi na e resultadonan cu e dependencia di petroleo tin den e fuera cu a cuminsa como un expansionismo di Rusia.
Na caminda pa 2025 cu mester a bira sumamente importante hende lo mester construi un mundo completamente nobo den aliansanan cu ta forma nan mes a base di e crisis di Ukraine, caminda economia mundial a conoce momentonan importante di cambio cu no a wordo spera.
E creacion di un mundo nobo lo exigi inversionnan cu mester bini di un fuente of otro pero tambe a base di ultimo desaroyonan lo adapta su mes na diferente aspecto cu lo bini dilanti.
Na e momentonan aki special pa hobennan un etapa sumamente importante ta cuminsa ya cu e situacion mundial lo exigi adaptacion tambe den necesidadnan di educacion cu lo mester prepara e generacion nobo pa acepta su lugar na mundo.
Tur sector na mundo, di sector medico pa industrial, mester bay ocupa su mes cu e cambionan di un mundo cu a conoce sorpresa tras di sorpresa.
