Cu un efecto di 0.75 ppt riba e CPI...
ORANJESTAD (AAN): Segun Oficina Central di Estadistica (CBS) den nan ultimo boletin, e Indice di Prijs di Consumo pa Juni 2022 a subi cu 0.7% compara cu luna di Mei 2022.
Tirando bista riba prijs di energia, esta e cambio di prijs di petroleo, utilidad, gasolin y diesel na Juni 2022: CBS ta indica cu e prijs di utilidad (electricidad y awa), gasolin y diesel ta worde determina primordialmente door di e prijs internacional di petroleo. Na Juni 2022 e prijs promedio pa bari di petroleo (US$ 115.29) a conoce un subida di US$ 5.98 (5.5%) compara cu Mei 2022 (US$ 109.31).
Prijs di electricidad y di awa no a cambia compara cu Mei 2022. C onsecuentemente, e prijs promedio di electricidad pa vivienda a keda Afl. 240.09, mientras cu e prijs promedio di awa pa vivienda a keda Afl. 137.05.
Prijs di gasolin a registra un subida di Afl. 32.20 cent (11.1%) na Juni 2022 y a causa un efecto di 0.65 ppt riba e CPI.
Prijs di diesel a registra un subida di Afl. 1.30 cent (0.4%) na Juni 2022 y a causa un efecto insignificante riba e CPI.
Na Juni 2022, utilidad, gasolin y diesel como grupo, tabata tin un subida di prijs di 3.8% compara cu Mei 2022 y hunto tabata tin un influencia di 0.65 ppt riba e CPI, mientras cu e restante 404 bienes y servicio hunto, a conoce un subida di prijs di 0.1% y tabata tin efecto un efecto di 0.10 ppt riba e CPI.
Hunto e tabata un efecto di 0.75 ppt riba e CPI.
