Gobierno Hulandes a entrega Aruba e yabi pa maneho di futuro
(Hulanda a entrega Aruba, Korsou y Sint Maarten e yabi Hulandes pa futuro
ORANJESTAD (AAN) Despues di Covid y e situacion serio cu a presenta na mundo ariba tereno economico, Hulanda mester a tuma medidanan pa sobreviviencia di empresarionan chikito y mediano despues di Covid-19 y e situacion economico mundial cu na 2021 casi a bira recesion internacional.
Durante su bishita na Aruba e Secretario di Estado Hulandes pa Relacionnan den Reino, Eddie van Marum, a habri porta pa asistencia na e empresario chikito y mediano di Aruba pa por crea un futuro pa su mes ariba su propio forza.
Hulanda a entrega Aruba, Curacao y Sint Maarten e instrumento cu Hulanda mes a uza pa asina fortifica e posibilidad pa empresanan chikito y mediano tin oportunidad pa alcansa financiamento di proyectonan cu nan negoshi.
Mester bisa cu ta di aplaudi cu Hulanda ta entrega e islanan den Caribe, e facilidad cu el a crea pa e Hulandes tambe den situacionnan mundial dificil.
Na Hulanda mes despues di Covid-19 e empresario chikito y mediano a conoce problemanan sumamente serio pa por a sigui dilanti cu nan empresanan.
Cantidad di empresa na Hulanda mes a haya problema serio despues di e atake di Covid-19 y tabata tin mester di e sosten pa por haya financiamento cu a haci posibel pa nan por sigui dilanti cu nan propio esfuerzonan comercial.
Pa Aruba, Curacao y Sint Maarten e asistencia Hulandes nobo ya significa cu miembronan di comunidad ta haya asistencia pa por financia un negoshi propio chikito of mediano cu ta haci cu nan no ta dependiente di un dunador di trabou pero por habri un futuro nobo ariba nan propio forza.
Na e islanan Hulandes den Caribe, e asistencia Hulandes ta sumamente importante na e momentonan aki pasobra e ta haci posibel pa Arubianonan por haya financiamento cu ta permiti nan como empresario crea nan propio futuro y evita cu nan mester depende di e labor cu nan ta presta na otro compania pasobra e base cu nan mester pa haya financiamento no tabata presente.
Hulanda di e forma aki a comparti un solucion importante pa habri caminda pa mas empresa mediado y chikito, cu hopi bez den buskeda di financiamento pa start nan negoshi no tin e forsa real.
Den un tempo di inseguridad grandi na mundo, marca pa guera y problema, porta ta habri pa Arubianonan por asegura nan mes e financiamento cu pa medio di e areglo Hulandes cu a bira realidad awor tambe pa Aruba, habri porta pa un futuro nobo den un situacion mundial sumamente dificil.
