Pa aña escolar 2026-2027
ORANJESTAD (AAN): Bon noticia pa mayornan! DIARIO a haya sa cu inscripcion ta habri na SKOA pa muchanan y alumnonan cu ta bay cuminsa Scol Basico y MAVO. Mayornan por inscribi nan yiunan na un scol cu ta resorta bou di SKOA pa asina sigura nan luga e aña escolar venidero.
E meta primordial na SKOA tapa enfoca ariba e desaroyo y crecemento di cada mucha y alumno. Skoa ta ofrece educacion di calidad cu ta enfatisa ariba e balornan Catolico, comunicacion na nivel multilingual, diversidad, innovacion y actividadnan extra-curicular. Ademas mayornan por scoge e scol pa nan yiu pa asina sigura cu nan ta bon prepara pa nan futuro.
E ta Online: Por inscribi via website www.skoa.aw pa asina inscribi completamente online. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente.
Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nos systema di SAS.
Contribucion di mayor: Segun SKOA, e tarifa di contribucion di mayor pa e proximo aña escolar pa Scol Basico y MAVO ta como lo siguiente:
(1) Pa Scol Baisco, e schoolgeld ta 275 Florin, y airco geld ta 150 Florin.
(2) Pa Scol di MAVO, e schoolgeld ta 350 Florin y airco geld ta 150 Florin.
Tur mayor cu inscribi nan yiu(nan) ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no ta completo, e cupo di inscripcion ta wordo cancela cu consecuencia cu no lo bay tin un luga sigura na un scol pa e yiu por cuminsa eerste klas e proximo aña escolar.
Pa pregunta of informacion tocante inscripcion pa eerste klas na SKOA por manda un email na Cette adresse e-mail est protégée contre les robots spammeurs. Vous devez activer le JavaScript pour la visualiser. of manda un WhatsApp na +297 748-5995. Pa cualkier otro pregunta of informacion tocante inscripcion en general na SKOA por bishita nos website www.skoa.aw of por yama na liña directo 523-1800. Mayornan cu ta desea por pasa libremente na e oficina pa inscripcion.
