ORANJESTAD (AAN): Un biaha mas Fundacion Sinterklaas ta preparando pa ricibi Sinterklaas.
Apesar cu aña pasa Sinterklaas a haye cu problema riba lama na caminda pa Aruba toch ela dicidi di bin Aruba e aña aki un biaha mas pa por cuminda tur su muchanan y e grandi nan tambe. Tin di corda si cu ainda no por aglomera y haci e yegada manera cu ta custumbra. Tin di keda cuida pa ni Sinterklaas, Amerigo of pietnan bira malo.
Pa motibo aki Sinterklaas lo yega Aruba dia 14 di November, 2021 pero virtual. Asina tur mucha por wak su yegada via television y otro medionan social. Y asina Sinterklaas por cuminsa parti regalo nan cu el a trece y tur mucha por gosa di e fiesta di Sinterklaas. Pero corda ariba e protocol y reglanan di DVG pa asina evita bira malo.
Fiesta di Yegada di Sinterklaas ta un fiesta di nos cultura y di nos pueblo pa e mucha, y ta pesey nos di Fundacion Sinterklaas ta pone hopi atencion y enfasis pa celebre na un forma responsabel.
Yegada di Sinterklaas ta bai ta Diadomingo, 14 di November 2021 pa 4:00 pm y lo pasa live e.o. na Telearuba, Canal 22, y otro medionan di comunicacion. Pa e dia aki Fundacion Sinterklaas conhuntamente cu oro instancianan a prepara un bunita presentacion. Ta bay tin canto Baile y weganan pa gana premio for di sala di bo cas.
Ta pidi tur mayor nan laga e mucha nan hasi un pintura y mande pa nan. Tin oportunidad pa gana bunita premionan. Potret cortesia Facebook Face Fundacion Sinterklaas Aruba
