Atencion ta dirigi tambe riba Wes Moore cu DIARIO a presenta na 2022
*DIARIO a prepara Aruba pa un mundo di cambio y reto na 2024
*Incertidumbre politico internacional na vispera eleccion na Venezuela
ORANJESTAD (AAN) — Na 2022, DIARIO a presenta na Aruba un hoben politico Mericano, Wesley Moore pa medio di nos vinculonan cu Valley Forge Military Academy and College, cu prestigio internacional.
E instituto a presenta relato di su alumnonan y entre nan tabata tin nomber di Wesley Moore, kende a cuminsa skirbi su carera den politica Mericano y den eleccionnan 2023 a bira Gobernador di Maryland.
E forma cu e lo por a progresa pa yega e rangonan mas halto politico na Merca, tabata loke DIARIO a presenta sin por a idea cu eleccionnan presidencial na Merca na 2024, lo tabata tin e desenlace actual.
Na e momentonan aki na Merca historia ta wordo skirbi, pasobra Joe Biden, Presidente di Merca, a wordo forsa dor di miembronan di su partido, pa no insisti pa atrobe presenta su mes como e candidato di partido Democratico di Merca pa proximo eleccion di Presidente Mericano.
Ayera e noticia a alcansa mundo cu Joe Biden a dicidi cu e ta hala su candidatura atras y no ta pone su mes disponibel pa eleccion pero ta duna sosten na su Vice Presidente Kamala Harris pa oficialmente wordo nombra como e candidato di Partido Democratico.
Den e desaroyonan aki, uno di e nombernan cu a wordo menciona pa por a fungi como candidato di Partido Democratico, tabata e nomber di Wesley Moore, cu, sinembargo, siman pasa a duna di conoce cu e no ta opone eleccion di Joe Biden.
Ayera ora e bira conoce cu Joe Biden no ta pone su mes eligibel mas como candidato pa Presidente di Merca na fabor di Kamala Harris, uno di e nombernan cu a wordo menciona pa bira candidato pa Vice Presidente, tabata Wesley Moore.
Di e forma aki DIARIO atrobe ta duna muestra di su labornan pa entrega na Aruba informacionnan local y internacional di calidad na un momento cu Aruba mescos cu henter mundo ta enfrenta situacionnan mundial sumamente importante.
Na nivel mundial mester papia di e desaroyonan na Medio Oriente, cu ta motibo sigur di preocupacion.
Atencion di Aruba sigur ta wordo exigi na Venezuela cu dia 28 di Juli ta bay urna electoral den situacionan cu ta causa preocupacion serio.
Aunke Nicolas Maduro ta trata crea e imagen cu e eleccionnan na Venezuela ta liber, informacionnan continuo ta papia di e forma cu ta manipula cu e posibilidad pa tur votador por acudi na e urna electoral.
Na diferente forma Gobierno di Nicolas Maduro lo ta haci dificil pa Pueblo por yega urna electoral mientras cu amenazanan pa loke ta trata e situacion cu por presenta na e pais den caso cu Nicolas Maduro no logra su proposito.
E situacion regional y mundial segun informacionnan cu DIARIO a ricibi ayera, ta keda preocupante debi na e desaroyonan cu a surgi na Merca y cu ta haci cu riba un termino sumamente cortico e Partido Democraat di Joe Biden mester dicidi riba su candidato pero tambe pa eleccion di Vice Presidente den caso cu Kamela Harris mester postula su mes como e candidato pa Presidente di parti di e partido Democratico di Merca.
Informacionnan cu DIARIO a ricibi ta papia di un situacion mundial y regional tenso na final di Juni 2024.
