Prome Ministro a confirma
ORANJESTAD (AAN): Manera Minister President Evelyn Wever-Croes a informa diaranson ultimo, e conseho di CAft pa un ‘aanwijzing’ pa Aruba no tabata riba agenda di Conseho di Ministro di Reino di Diabierna 15 di juli.
Minister President den e siguiente simannan lo atende e tema aki, aki na Aruba y aya na Hulanda. E meta ta pa evita un ‘aanwijzing’ y si e mester bin mes, lo cuminsa prepara di awor caba pa bringa esaki na Raad van Staten.
“Nos huristanan a duna nos un prome assessment di e conseho y ta convenci cu e no tin suficiente base pa un ‘aanwijzing’. Pues mientras cu nos ta trahando pa evita e aanwijzing, nos lo traha tambe pa bringa e aanwijzing. Mi tin tur confianza cu nos lo resolve e problema aki pasobra e berdad ta na nos banda”, Minister President Evelyn Wever-Croes a duna di conoce.
