ORANJESTAD (AAN): Diahuebs 11 di juli 2024, sr. Mauritsz de Kort, presidente di Hof Gemeenschappelijk di Husticia, sr. Jacques Keltjens,
vice-presidente di e sede na Aruba, sr. Martin Luttge, director di Operacionnan, y sra. Luzina de Greef, presidente di e Raad di Beheer, a entrega e reportahe anual y estado financiero na Minister di Husticia y Asuntonan Social, sr. Rocco Tjon.
E reportahe anual, cu tema "Extranea lux, illuminatio interna" (bishita di afo, inspiracion pa aden), ta enfatiza e rol di Corte den e sociedad.
Corte ta tuma parti activo den e sociedad y tin un bon relacion cu su partnernan na diferente pais. E participacionnan aki ta un colaboracion cu Ministerio Publico, Instancianan di Reclassering, consehonan di tutela, instancianan husticial, Ordo di Abogadonan, y ehecutor di polisa.
Tambe tin colaboracion cu colega-hofnan y rechtbanknan na Hulanda, Surinam, y Europa. E colaboracionnan aki ta esencial pa garantiza e estadonan di derecho y seguridad di e sociedadnan.
E reportahe anual ta duna un resumen di e desaroyonan den e proceso primario y e operacionnan di Hof Ademas, e ta contene entrevistanan cu ta duna un bista di con influencianan externo ta inspira internamente.
Riba portret, di man robes pa man drechi: sr. Jacques Keltjens, sr. Mauritsz de Kort, sr. Rocco Tjon, sra. Luzina de Greef, sr. Martin Luttge.
