ORANJESTAD (AAN): Organo Ehecutivo AZV ta informa e aseguradonan inscribi cerca dokter di cas Carlos Yagua Fingal di lo siguiente:
E contract entre dokter Carlos Yagua Fingal y AZV a termina. Su persona a yega e edad di 65 aña unda cu contracto ta finalisa automaticamente. AZV ta gradici dokter Carlos Yagua Fingal pa tur e cuido cu el a brinda e aseguradonan. Na mes momento ta yama e oficina di dokter di cas (temporal) aki na Dokter Horacio Oduber Hospitaal bon bini.
Entrante Diahubes 8 di juli tur pashent di dokter di cas Carlos Yagua Fingal lo worde traspasa automaticamente pa e oficina di dokter di cas aki cu ta keda na Dokter Horacio Oduber Hospitaal. Na inicio, lo ta e dokter nobo, esta dokter A. Steward lo brinda su servicionan ya cu e intencion ta pa riba corto plazo despues bin cu un cas di dokter full ekipa cu diferente dokternan di cas.
Dokter A. Steward ta brinda servicio medico via e oficina di HAP (HuisArtsenPost, esta Dokter di Cas na Warda, na Dokter Horacio Oduber Hospital). E servicio di dokter A. Steward ta worde duna di dialuna pa diabierna di 8or di mainta pa 12 di merdia. Y di 1or di atardi pa 4or di atardi. Dokter A. Steward ta traha cu afspraak solamente. Ta pidi e pashentnan pa yama den oranan di mainta (tempran) pa haci afspraak via e number 527-4541.
