Caranan conoci den e acuerdo Citgo cu a beneficia Maduro contra Aruba ta presente - *Na un forma sistematico Mike Eman a kibra credibilidad di sistema legal di Aruba - *Respet pa autoridad ta wordo kibra y Aruba transforma den un republica di banana
ORANJESTAD(AAN)—Ta cu gran preocupacion expertonan riba tereno constitucional, conoci cu e funcionamento di e Estado di Derecho di Aruba, a sigui desaroyonan cu Mike Eman y su grupo di AVP a encadena na Aruba.
Pa motibo cu atrobe miembronan di AVP ta wordo investiga door di Husticia, Aruba mester wordo cambia den un republica di banana, dirigi dor di Mike Eman.
Pa cuminsa no ta prome bez cu AVP ta den problema cu Husticia, manera tur abogado (tanto amigo of no amigo di AVP) y tur exponente y siguidor di desaroyonan den mundo di Husticia, ta na haltura.
Tres Ministro di AVP a wordo condena den e caso di Fondo Desaroyo Nobo San Nicolas, cu a termina despues como un misterio. E caso di Paul Croes a desaroya ora Mike Eman tabata den Gobierno y e pregunta cu mester haci ta, cu si mester a instiga Pueblo e tempo contra Mike Eman y Arthur Dowers cu tabata Ministro Presidente y Ministro di Husticia di Aruba e tempo.
Na caminda pa eleccion 2021 Mike Eman tabata tin hopi di splica Pueblo, tambe riba tereno huridico. Pasobra kier of no kier Mike Eman mester acepta cu e tabata Ministro Presidente tempo cu e Benny Sevinger a entrega tereno.
Mike Eman mester acepta cu e tabata Ministro Presidente tempo cu Paul Croes tabata parti permiso.
Mike Eman tabata Ministro Presidente y figura central y decisivo di e forma cu contra ley a gasta placa di Aruba. Mike Eman tabata Ministro Presidente durante e tempo cu e rapport forensico di Refineria di Aruba, a haya base.
E rapport forensico aki tambe ta den man di Husticia cu tin basta trabou cu personanan cu tabata parti di Gobierno Mike Eman of di su partido.
Aruba a bay un eleccion den cual mester a splica Pueblo kico Gobierno Wever-Croes a hereda na man di Mike Eman y con el a saca Aruba for di e abismo financiero den cual Mike Eman a hinca Aruba como Ministro Presidente pa despues e bay sconde.
Ta tristo cu Mike Eman a Hulanda a pone bay bebe Ensure den Fort Zoutman ya cu for di e tempo el a transforma Aruba den un republica di banana, awe ta trata na destrui e fundeshi di e Estado di Derecho, Aruba.
Tristo ta, cu hunto cu Mike Eman por mira caranan cu a yuda yega na e Acuerdo di Citgo, den cual e traicion contra Aruba a keda regla y Aruba a wordo pone den man di Nicolas Maduro.
Tempo Mike tabata subi schouder di Arubianonan pasobra el a gana eleccion, nunca a cuestiona e sistema. Pero awor cu Pueblo for di 2017 a manda Mike cas, si tin pregunta y ta kibra baluartenan di e Estado Democratico cu ta garantisa cu e pais ta sigui e Orden di Ley.
E por sona duro pero mayoria di Pueblo no ta ni interesa mas si Mike kier drenta Parlamento. E no a haci falta.
Kico su regreso ta pa Aruba ya a keda confirma.
Abuso di instancianan oficial. E sistema electoral di Aruba a wordo kibra cu prome e asunto di vota electronico. Despues a bini cu registro di votadornan cu AVP tabata abusa pa nan haya voto den bario y molestia votadonan.
Ley ta exigi AVP pa ta presente ora ta conta voto manera Mike como hurista y tur otro hurista rond di e partido ta bon na haltura.
Pakico Mike mester transforma Estado di Derecho den un ring di boxeo? Pa su honor y gloria y di su grupito privilegia!
