Sharine Croes-Dubero ta splica:
ORANJESTAD (AAN) –Sharine Croes-Dubero, Encarga cu Facilidadnan di Estudio y Arubalening, na Departamento di Enseñanza, a indica den un entrevista cu DIARIO, cu nan ta bezig cu un proyecto cu a cuminza dos aña pasa na nivel di tur e paisnan di Reino, cu yama 'Strategic Education Alliance', cu a sali for di e “Samenwerkende Hogescholen” di tur e paisnan (Vierlanden Overleg) y e ta den Landspakket tambe.
Tur e 'Key persons' ta bin hunto kibrando cabes riba cual ta e miho manera pa bay traha riba esaki, y esey ta bay ta e parti pa e otro aña. Nan ta haciendo nan maximo esfuerzo pa traha hunto pasobra loke nan tur kier ta pa e muchanan aki haya bon resultado, y ora cu nan yega Hulanda e transicion Aruba cu Hulanda/Antiyas pa Hulanda ta mas suave.
Tur e islanan di Reino Hulandes ta den e werkgroep, y nan a caba di bin hunto na mei, y djey a sali un plan cu awo nan ta trahando riba dje, pa cuminza cu ne e aña escolar nobo, Sharine a señala.
Esaki ta haci cu nan escogencia di estudio bay di e manera mas acerta posible. “Esaki ta algo cu tin añanan cu ta “going on” pero cu aworaki ta hayando atencion y cu e ta bira un realidad cu ta bay traha riba dje y cu e aña escolar nobo, cu poder di Dios, tin placa pa ehecut'e.
