ORANJESTAD (AAN): Organizacion OPPA ta invita su miembronan pa asisti na e celebracion di su Aniversario cual lo tuma lugar diasabra, 27 di augustus 2022, riba De Palm Island.
Cada miembro por trece solamente un introducido riba 18 aña. Tuma atencion cu inscripcion lo tuma luga desde 20 di juli te cu 24 augustus 2022.
Miembronan por inscribi y paga pa su banchi, di dialuna pa diabierna, na
oficina di OPPA situa na Primavera 6-N, tel 280-0511. Orario ta for di 9:00 am te cu 12:00 pm, di dialuna pa diabierna. Por fabor trece e carnet di miembresia.
OPPA lo entrega cada participante un carchi na momento di pago. Corda trece dia 27 augustus bo carchi pa bo haya un banchi prome cu subi e barco pa bay riba e isla. E celebracion ta di 11:00 am y ta finalisa 5:00 pm.
E entretenimento musical ta bou encargo di Banda Musical OPPA y Azucar di Robert Maduro. E miembronan tin di paga sesenta Florin, y no-miembro, of partner, of introducido ta paga setenta y cinco Florin. Cada miembro por trece solamente un introducido di 18 aña pariba.
