Fundacion Parke Nacional Aruba cu alerta:
ORANJESTAD (AAN): Fundacion Parke Nacional Aruba a duna di conoce pa medio di nan rednan social cu recientemente nan a wordo alerta di algun 'Cascabel' cu a ser haya morto cu nan maraca kita.
Tin chance cu esaki ta relata na un tradicion unda cu tin creencia cu e maraca ta trece suerte y bondad. E creencia aki no solamente ta sin base, pero mas importante ainda, e ta pone e especie aki cu ta proteha y endemico na riesgo di extincion si su populacion keda baha.
Nos mester ta conciente cu e 'Cascabel' ta existi solamente na Aruba. Nan ta un especie na peliger di extincion y cualkier daño na nan ta un daño na Aruba y su herencia natural. Preservacion di e Cascabel su existencia ta crucial paso nan ta hunga un rol importante den e sistema ecologico di Aruba. Laga nos respeta su luga den naturalesa.
Si bo wak cualkier incidente asina, porfabor raporta esaki na Cette adresse e-mail est protégée contre les robots spammeurs. Vous devez activer le JavaScript pour la visualiser.. "Hunto nos por segura e conservacion di Aruba su biodiversidad unico y diverso", asina FPNA a indica.
