ORANJESTAD (AAN): Desde cu e opcion di Multi-X a wordo introduci pa e sorteo di Lucky 3, como tambe esun di Catochi,
ya caba por a nota cu e alegria di hopi hende a bira extra mas amplio cu nan premio.
Jean-Carl recien a cumpra su numbernan vast pa e sorteo di Catochi, y el a mira cu el a gana.
El a gana 4.000 Florin cu e wega di Catochi cu su numbernan.
Pero ta bon mes cu el a busca e opcion di Multi-X, pasobra net e dia ey e bolita di X3 a sali. Pues el a multiplica su premio cu 3 biaha.
El a presenta na oficina di Lotto na Playa pa reclama su premio. E computer a indica cu Jean-Carl a gana 12.000 Florin danki na Catochi Multi-X.
Mesora a cuminza cu e proceso pa transferi e premio electronicamente pa su cuenta di banco. Jean-Carl a splica cu e ticket ganador el a cumpra na Euro Lottery na Noord.
