ORANJESTAD (AAN): IDEA a presenta e topico di ‘Business Plan’, na 36 muchanan di 6-de klas, di Colegio Ora Ubao, na Tanki Leendert.
Despues di a haya un presentacion di Judella Trim, e muchanan a sinta den grupo di 4 of 5, na unda nan a brainstorm tocante nan producto of servicio, locual lo bira nan negoshi.
Cada grupo a skirbi nan ideanan di nan negoshi riba papel y despues cada grupo a bin un pa un dilanti klas y a presenta nan Business Plan, pa full e klas.
Durante e presentacion di e cada grupo, full e klas tabata keto y tabata scucha otro cu hopi atencion y curiosidad.
Cu e practica aki e muchanan a haya mas conocimento tocante con un negoshi ta funciona y a haya sa cu un Business Plan ta un di e prome pasonan pa un negoshi exitoso. Den un business plan bo ta skirbi tur bo ideanan tocante bo negoshi, asina e ta laga bo pensa riba bo entrada, gasto y ganashi nan, y tambe e ta esencial pa bo por haya un fiansa. Pues ta hopi importante pa tuma tempo pa skirbi un bon business plan, pa asina laga otro kere den bo producto of servicio.
Algun di e presentacion nan cu e muchanan a trece dilanti tabata:
- Negoshi di bendemento di ‘Auto Parts’
- Negoshi di bende ‘Cuminda Crioyo’, nomber di nan negoshi: “The Crioyo Boys”
- Negoshi di ‘Dolls’ popchi, nomber di negoshi: “Happy Dolls”
- Negoshi, producto di ‘Cabey’.
IDEA ta hopi contento cu e invitacion aki, y ta desea tur e muchanan hopi exito, cu nan scol nobo e proximo schooljaar aki.
Y hopi exito pa nos “future ‘Kidpreneurs’, they have Big Dreams!!!”
{gallery}Muchanan di 6-de klas, di Colegio Ora Ubao a ricibi presentacion di IDEA riba e topico di Business Plan{/gallery}
